التاريخ واليوم

 ما أدري هل أنا متمادي بهذا الشيء أم لا هو بان الناس تفكر نفسها تتذاكى على ناس ثانيه بس ما يعرفون بان الناس الثانين فاهمين الي يدور حوليهم والمشكله الطرف الثاني يطوف للطرف الاول انا شفتها بعيني اقول كيف هذي العالم تلعب على بعضها البعض وهم فاهمين بعضهم البعض . وفي بعض الناس تحاول تشرحله بشيء واقعي بس عقليته مسكرة مب راضي يفهم مع ان شيء واقعي وأمامه . لما رجعت من أمريكا شفت أشياء غريبه ولحد الان مب قادر أتأقلم عليها يمكن الناس ما تشوفها فيني لاني كل شيء اشوف شيء كله افكر اقول ليش وليش وليش بس الناس عندهم هذا الشيء عادي .في هذي الفترة احس باني أشتاق لأمريكا والربع والاصدقاء والحياة الي مافها تفكير وتحس الناس كلهم فاهمين على بعضهم البعض .

التاريخ واليوم

بصراحه لما اول ما جيت البلاد فكرت الاهل والاصدقاء رحومين على بعض  بس أكتشفت بعد اختباراتي الكلاميه مع كل احد بان الكل عايف الثاني ويحقد على الثاني وهذا كله بعد استنتاجاتي والطبع الثاني التشائم عندنا وخاصه البدوام عندهم تشائل بكل شيء  بشكل غير طبيعي بس ان شا ءالله يتغير كل شيء للاحسن . نفوس الناس تغيرت واطباعهم تغيرت  والله انا المسكين الي قلت بان اطباعي تغيرت من امريكا وما كنت ادري بان هم بروحهم تغيروو اكثر ما انا تغيرت

التاريخ واليوم

أمريكا

أول مره أحس بأني أريد ارجع أمريكا وأعيش فيها والله توهلت على الغربه وايد لاني تعودت على العيشه هناك . أبدا العيشه هنا ما تصلحلي من كل النواحي . صح قبل تولهت على البلاد  يوم كنت بامريكا بس لما رجعت وشفت وسعمت والضغوطات فضلت أمريكا لو كانت الحياة شوي صعبه بس تكون لنفسك انتا تشكل حياتك بس هنا  الغير يشكلك .  أريد ارجع أعيش في كندا او امريكا مره ثانيه بس المشكله شغلي  ما أقدر اطلع منه . وكل هذا بعدني متغرب في بلادي بعيد عن بيتي وساكن في بوظبي بالعقل افضل اعيش بأمريكا ولا اعيش في بوظبي  أكل ما اقدر اطبخه او يكون لي بيت او شقه بروحي . هب مشكله السنين بتمر وبخلص المده الي عليه ولذين ذاك الوقت يمكن ارجع أمريكا او كندا. صح البعض بيقول شوو يقول هذا المجنون كل شيء متوفر في بلادنا  صح معاكم متوفر بس اذا الراحه النفسيه مب موجوده  مالها معنا.

التاريخ واليوم

سلام عليكم ورحمه الله وبركاته ..أدري من فترة ما كتبت في المذكرات لأن خلاص داومت في   أبوظبي ولله الحمد  اول أسبوع كان شوي تعب لحد ما ضبطت الرقاد وتعت مع الشغل. بس الأن حسيت بأني صح مظلوم في الشغل في أمور كثير ما اقدر اقولها. حتى استرجعت 6 سنوات للماضي وتندمت بأني رحت أمريكا وخذت الشهاده .لان الي ما خذ شهاده من ربعي منصبه أعلى عن منصبي  مثل ما قال واحد الشهادة بلها واشرب ميتها هههه ز بس شوو نقول غير الله كريم .

الان أقوم بتجهيز موقع بدو الإمارات الرسمي اخطط شوو بسوي بالموقع لانه بيكون موقع كبير وشغل كبير بالموقع وخارج الموقع لان المعلومات الي سوف نضعها بتكون من تجميعنا الخاص وسوف تكون مفاجأه كبيره لبدو الإمارات وان شا ءالله أقدر اسوي شيء يرفع الراس ويعلم الناس عن بدو الامارات وأصولهم وعاداتهم .

التاريخ واليوم

مركز بن بطوطه

المهم لترى الصور اضغط هنا

التاريخ واليوم

وجاء يوم جديد وهو يوم الاحد وموعدي بالشغل بأبوظبي والله يجزيه خير ولد عمي عطاني سيارته استخدمها فتره  لحد ما توصل سيارتي الجديده من امريكا وهي لكزس انتظرها بفارغ الصبر بصراحه المهم رحت بوظبي وانا اتمشى على راحتي بالخط المهم وصلت الشغل ودخلت عندهم وخذت الرساله وطلعت بعدين من الشغل ورحت المكان الي بشتغل فيه وسلمتلهم الورقه وقالولي خلاص اشتغل وقلتلهم ما يصير لازم اخذ اجازه وقالولي اوكيه عندك اسبوع اجازه وجان افرح بس الي قهرني اكثر شيء بانهم بيحطوني بأبوظبي  انا ان شا ءالله بحاول كل جهودي بانهم يحولوني قريب الذيد المهم بعدين طلعت ورحت تغديت ورجعت لدبي لطبيب الاسنان  علشان يعدلون التقويم شوي  وبعد ما طلعت من العياده والله شفت زحمه مو طبيعيه  خست بالزحمه وكرهت نفسي بصراحه وكل هذا  البترول قرب يخلص وانا بالزحمه شوو سويت قمت امشى على الخط الاصفر قلت ما عليه لو يعطوني مخالفه ولا توقف السياره بنص الزحمه والله فضيحه المهم وصلت لمحطه البنزين قريب العوير عبيت بترول وتوكلت على الله لمنطقه الذيد وخلص اليوم بسلام

التاريخ واليوم

ولله الحمد ركبت تقويم  في عيادة في دبي رحت انا وولد عمي للعيادة فكرت بانهم بيسوولي حشوو ولكنهم ما عندهم وقت ركبت التقويم على طول  اول ما حطوو التقويم ما حسيت بشيء بس  بعد فتره  حسيت باسناني مشدوده  وما كلت شيء لين بعدين حاولت أكل شيء وحسيت بان اسناني بتتكسر كل شكلهم ركبون غلط بس قالي ولد عمي بتحس بأشياء غريبه عجيبه في ثمك كلت الله يعين  والحينه وانا اكتب احس بضروسي بتطيح ههههه بس يالله لازم شوي نعدل من المظهر . الشيء الثاني ان شا ءالله ناوي اشتري سياره وادعولي باني اتوفق فيها  السياره بخبركم شوو نوعها لما اشتريها  وفي نفس الوقت اشتقت لسيارتي الحمراء في امريكا .

التاريخ واليوم

من أول ما خلصت دراسه وانا احاتي الدرجات وكنت متوقع أجيب درجات كامله بس بصراحه عصبت وايد لاني فقط ماخذ كلاسي واحد من الكلاسات  يبت A بس الكلاس الثاني  يبت درجه حلوه بس ما يبت  A والدرجه الي يبتها هي B  صح حلوه بس زين يوم تيب درجه كامله. الحمد لله أفتكيت والحينه انتظر الشهاده  أدري بتاخذ وقت طويل لحد ما يطلعون الشهاده . وباجر بروح الشغل بشوف وين بيحطوني وان شا ءالله يكون قريب الذيد قولي  امين .  والله يا اخواني بان الامارات حر وايد  ما اعرف وين اروح كله يالس بالبيت  ما اقدر اطلع السياره بعد الله يعين من شهر سبعه موووت حر . اذا عطوني اجازه   يمكن اسافر بلاد برد نشرد من الحر شوي .

التاريخ واليوم

كان اليوم عادي  صحيت من النوم وجلست على المنتدى شوي وبعدين طحت شوي تحت البراد الحلوو المهم ولد عمي اتصلي الظهر وقالي قم خلنا نسير  مول الامارات بيراويني اياه المهم قلتله الظهر قالي احسن عن الزحمه قلتله يالله المهم ركبنا السياره والله الكرسي حار ضووو ما قدرت ايلس عليه وهو يضحك عليه قلتله حط المكيف على الكرسي لحد ما يبرد المهم بعد فتره يلست مع انه كان حار الكرسي وتوجهنا لمول الامارات بدبي وتمينا نلف على الباركنات لحد ما لقينا باركن . وقتنا ونزلنا ووداني كذا طريق عجيب لما تمشي فثيه تحس بانك تبا تطيح حركه حلوه . وبعدين وقفنا كذا محل بالمركز نشوف الملابس والكهربائيات وبعدين  جلسنا في الكوفي ما قدرت اشرب شيء حار طلبت عصير منقا يعجبني وبعدين طلعنا من المول ورحنا جميرا نتمشى بالسياره  ورحنا مركز ثاني ما اعرف شوو اسمه بالضبط  وبعدين رجعنا الذيد على الساعه 7 كانت رحله خفيفه وحلوه .

التاريخ واليوم

الحمد لله وصلت المطار الساعه ثمان الصبح اول ما وصلت تضاربت ويا شباب الي عند التفتيش واشتكيت عليهم وهزبوهم ههههه عرفتهم بالنظام صح المهم  لما طعلت من الطار  جاني حر مب طبيعي بصراحه وبعدين قابلت اخوي  برع المطار . وحملنا الشنط بالسياره ومشينا بالدرب حتى وصلنا الذيد . نزلت البيت ولقيت الاهل ينتظروني بالبيت وسلمت عليهم وجلست معاهم نسولف وبعدين دخلت بدلت ملابسي وارتحت شوي . وتغدينا لحم  أقول بخاطري اول يوم لحم الله يعين بدو شوو أقول . المهم جلست بالبيت وكل شيء يدخل اخد من عيال عمي او احد من العائله يلسم ويطلع وهكذا لحد لعصر وبعدين رحت أنام لحد المغرب  وصحيت لحد بالليل ونمت ثاني مره وهذا يوم الوصول .

التاريخ واليوم

كان يوم وايد حلوو بالنسبالي صحيت الصبح وانا انتظر العصر يجي بفارغ الصبر والليله الي بعدها ما جاني رقاد لاني متشوق للرجعه للامارات . المهم لما صحيت  كل الشباب ربعي الي بأمريكا اجتمعوو عندي بالشقه  وبعدين طلعنا نتغدى في مكان وطلعنا يمكن ثلاث سيارات ودخلنا المطعم وكنا كثار المهم تغدينا وسولفنا ويا الشباب وبعدين رجعنا البيت . بس انا طلعت عنهم رحت المول علشان اطبع صور التخرج ورحت ورجعت بسرعه وبعدين جلسنا شوي بالبيت وطلعنا استار بكس  شربنا كوفي وسولفنا المهم وبعدين كل الشباب رحنا المطار تعرفووون شوو صار هناك . قالولي الوزن زايد ولو بتدفع بتدفع وايد . قالولي لازم تشل شنطه ثالثه المهم اقولهم وين بلقى الشنطه الثالثه . رحت محل جنب المطار وخذت بكس علشان احد في بعض الاغراض وكل هذا كان بالمطار والناس يشوفون علينا ونحن مرتبشين . طول اليوم كنت فرحان لان ربعي الي تقريبا عشت معهم معايه طول اليوم لحد سفري وفي نفس الوقت حزنت لاني بودعهم بس وعدتهم باني برجع ان شا ءالله مره ثانيه بامريكا علشان

التاريخ واليوم

اليوم الاثنين الموافق 14-5-2007   رحت الجامعه وانا مب مذاكر اي شيء المهم جلست بالجامعه وافكر اقول اذاكر ولا ما اذاكر  المهم الاختبار من المعلومات العامه المهم قريت شوي قبل الامتحان  ورحت الكلاس والحمد لله امتحنت وكان مب صعب وايد اقدر  نفسي بالامتحان بالثمانين او التسعين ان شاء الله . اول ما خلصت رحت اسلم على الاستاذه قلتلها باني استفدت وايد من الكلاس وانا سعيد باني اخذت هذا الكلاس معاكي المهم هيه فرحانه وايد قالت وانا سعيده بانك كنت معنا لانك وايد نفعتني  وخاصه اذا تذكرون المحاضرة الي كتبتها من قبل بالمذكرات  أثرت عليها وايد  المهم انا عطيتها معلومات عن الاسلام وقالتلي بانها بتدرس طلابها الفصل الجاي عن المعلومات الي عطيتها اياها وفرحت . وقالت بشوفج الفصل القادم وقلتلها انا بسافر للأبد لبلادي والمسكينه فجت عيونها قالت اكيد اهلك ينتظرونك قلتلها هيه  قالت خلاص راسلني بالايميل وكذا والله وايد احترمها هذي الاستاذه وهيه كبر امي . وبعد الكلاس رحت البيت ويلست ارتب بعض الاغراض وجاني  واحد من ربعي السعوديين وجلسنا نشوف التلفزيون ومن قبل شوي طلع من عندي . المهم الحينه وانا اكتب هذي المذكره  جاني الجوع ههههههه يعني لازم اكل . شكلي بمشيء لمحطه البترول  عندهم بقاله هناك بشتريلي شيء اكله . هيه قبل ما انسى تخرجي قريب بعد اربع ايام ؟

التاريخ واليوم

اليوم صحيت من النوم وربيعي جاني الشقه المهم جلسنى شوي وبعدين طلعنا الجامعه وخلصنا الكلاس. وبعدين رحت اركض للمكتبه  لانهم يوزعون ملابس التخرج وهذي اللحظه والله انتظرها من سنوات كل سنه اشوفهم يوزعون الملابس وأنا اقول متى بيجي يوم أخذ من عندهم والحمد لله  وصل هذا اليوم وخذت ملابس التخرج ولا ملابسي خاصه لأني من قسم الهندسه وجان افرح وأشليت الملابس وطلعنا من الجامعه. ورحنا مطعم عندهم بوفيه وانا أخذت لحم  أكيد بدي ياكل لحم  بس اللحم الي عندهم غير  مب ناضج  أدري بستغربون بتقولون كيف تاكل لحم مب ناضح  عودنا على لحمهم هههههههههه . رجعت البيت قولو اول شيء سويته شووه هههههه لبست لبس التخرج كشختبه ههههههه وتميت اشوف نفسي بالمرايا أقول بخاطري سنوات وسنوات لحد ما وصلت لهذا اللبس لو ان اللبس شوي عبيط بس كنا نتمناه .

التاريخ واليوم

من أيام رحت أتمشى يمكن مشيت كيلوين  ولما رجعت البيت أشوف ويهي احمر أقول ول  وانا هنا يحمر ويهي وين لو بسير الامارات بعد اسبوعين  بصير طماطه . أحس عمري متنت وايد لاني ما اسوي رياضه ابدا  من شهر وشيء وما اتحرك وايد  اكل واشوف التلفزيون  والنت   هذا كل وقتي  مممممممممممممم قاعد افكر شوو اسوي  يمكن اروح اركض شوي . وان شا ءالله بخطط لما ارجع البلاد اسوي رياضه بأستمرار أدري بان الجو هناك ما يساعد  بس لازم نتعود عليه . أكل وجبه وحده باليوم بامريكا  واحس نفسي صرت دب  وين في البلاد  كل بيت تدخله لازم تاكل والله حاله  ولو تقولهم لا ماكل ولا شبعان  يقولون ليش هذا الانسان ما ياكل عندنا.

التاريخ واليوم

تعرفون دخلنا شهر خمسه وفرحت كثيرا لان قرب وقت سفري للامارات  المهم اليوم وانا  قاعد العصر بالبيت وكان الطقس حلوو  قلت لنفسي خلني اتمشى شوي للمركز التسوق وبعدين اروح اشتريلي اكل وارجع البيت المهم المركز يبعد كيلوين مشي وانا طبعا ما عندي سياره  المهم مشيت لحد المركز واشتريت كاب يديده وجان افرح  وبعدين طلعت ورحت استار بكس وخذتلي كوفي  وقلت وانا راجع البيت بمر على مطعم وباخذ سندويش علشان أتعشابه بالبيت المهم رحت المطعم وأخذت سندويش تعرفون معضم سندويشاتهم بعضها فيها لحم خنزين وانا شفته وكنت بالطابور قلت لما اوصل هناك واطلع بقوله ما أريد خنزير المهم وصلت وطلبت  ولما وأنا طالع من المطعم الا كان الجوو ممطر  وانا لابس الكاب الجديده أقول لازم ينزل المطر وانا لابس الكاب اليديده احترت احط الكاب اليديده على المطر ولا اشيلها المهم اخر شيء حطيت الكاب القديمه ومشيت وكان السدويش بأيدي والمطر يطش  ومشيت يمكن كيلوين تحت المطر لحد ما وصلت البيت  بس لما وصلت كل شيء خرسان  وكان الجووو برد موووت المهم على طول دخلت البيت ومن القهر جان أخذ نص السندويش واكل وانا اشوف التلفزيون ولما وصلت لنهايه السندويش الا اشوفلكم قطعه لحم خنزين قلت ول نسيت اقوله عن  لحم الخنزير جان اقول شوو هذي الحاله اليوم بس يالله كل شيء يهون لأجل الرجعه

التاريخ واليوم

صحيت تعبان اليوم الصبح الساعه سبعه الصبح . مرت عليه البكستانيه الي معانا بالقروب ورحنا الجامعه المهم حجزنا المكان  وانتظرت يمكن ساعه لحد الاغراض ما وصلن . رتبنا كل شيء وبعدين رحت البيت وجبت الكباب والعيش وكل شيء بالسياره ولا نسيت نفسي يبت الكاميرا ولبست اللبس الاماراتي وجبت لبس معايه للناس الي ايبون يلبسون لبس اماراتي . وشفنا بالحفل انواع واشكال من الناس . الحمد لله  طبعت معلومات كثيره عن الاسلام ووزعتها كلها وكثير من الناس يسألوني اساله وانا اجاوب واعطيهم اوراق ومعلومات واسامي مواقع مهمه يزورونها  ان شاء الله الله يهديهم يارب. النقطه من كل هذا الاجر. شفت بعض الناس هنا عافانا الله كيف يسوون كل شيء عن المال عنبوه على كم دولار  على الاقل  راوو الناس شوو عندكم او شوو ديانتكم او شوو بلدكم   لان هذاالنقطه للحفل كامل . بعد ما رجعت البيت تعبان موووت انتظر ربيعي وبعدين رحنا الجاكوزي   يلسنا بالجاكوزي  يمكن 20 دقيقه  وبعدين طلعنا وكل واحد راح بيته وانا الحينه قاعد اكتبلكم شوو راي لي .

صور الحفله هنا http://www.algreeb.net/thumbnails.php?album=12&page=1

التاريخ واليوم

اليوم عندي برزنتيشن وهذا البرزنتيشن اخر واحد لي بالجامعه المهم ما جهزت شيء اخر شيء بس جهزت مع القروب لي .والحمد لله سويت البرزنتيشن وخلصته بس بعدين رجعت البيت مع واحد من الشباب وبعدين شفت الشباب كلهم بالمسبح المهم رحت اسبح معاهم لين ما تعبت ورجعت البيت واسبحت ورجعت المسبح وشوف الشباب بعدهم بالمسبح ههههههه التقطت صور لهم والله ضحكنا ضحك انا وضعت الصور في موقع الصور . الهم بعدين  جوني شباب وبنات النادي المشترك معهم للبيت عندي وجهزنا الاكل والكباب  لان بالبكره عندنا اختفال ونحن  نمثل المسلمين مع الجامعة  المهم واشتغلنا على الكباب شغل بس تعشينا منه بعد . اخر شيء جاني صداع مب طبيعي ورحت اوطي راسي لان بالكبره لازم اصحى الصبح علشان اسير الجامعه وارتب الخيمه والطاوله .

التاريخ واليوم

جيف الحال اليوم مشيت مشي اول ما صحيت الصبح رحت الجامعه وبعدين رحت البنت  وحضرت كلاسي العصر وكان ملل  بس ما عليك شليت معايه اللاب توب عادي ترى في امريكا تدخل اللاب توب اي مكان تباه . المهم اول ما خلصت ربيعي البكستاني وصلني البيت ويلست في البيت مليت وقلت خلني اسير استار بكس المهم مشيت يمكن كيلوين لحد ما وصلت استار بكس وخذت كوفي . بعدين مريت على محل الافلام وخذتلي اربع افلام  اجار طبعا . وانا راجع البيت مريت على البقاله الكبيره  وخذت سله علشان احط الاكل فيها وبعدين  تذكرت باني ياي مشيء  قلت خلني اشتريلي مكسرات وخبز لانهن خفيفه  وباكلهن على العشاء ههههههههه . انا رجعت السله  ونسيت الافلام في السله  ولما خلصت المشترى وكل شيء وانا طالع اقول شكلي ناسي شيء وبعدين تذكرت باني ناسي الافلام في السله ولما رحت اشوف السله ما شفت الافلام قلت وااااال   راحت الافلام  عليه . رحت المكتب للسوق اسالهم عن الافلام والحمد لله لقيتهن هناك وشليتهن ورجعت البيت وانا اسمع أغاني من الاي بود . رجعت البيت يلست اشوف فلم وخلص الفلم وبعدين اثنين من الشباب جانو البيت يلسنى معهم ندردش ونحش بالناس هههههه وبعدين راحووو . يلست افكر شوو بسوي لازم اغير شيء بالموقع او اغير شيء بحياتي  القصد من كل هذا اسوي ريفرش لحياتي لاني مليت من الروتين نفسه . في هذي اللحظه يوعان وكان خاطري اسير اكل بس قلت خلني اكتب وبعدين بسير اكلي شيء وبسير اوطي راسي .

التاريخ واليوم

الصبح رحت الجامعه كان عندي كلاس ولقيت واحد من الشباب وكلمته عن الي التلميذ الي ذابح  32 طالب في جامعه فرجينيا .  قالي واحد طلع يديد يهدد  في منطقه جنبنا 10 دقايق بالسياره والجامعه محطيه صورته بالموقع للجامعه . وتعرفون شوو قال  قال الي استوى  في فرجينيا  هذا شويه  بس انا بسوي اكثر والمسكين ربيعي خايف. قال ما أعرف اجي الجامعه ولا أسير اذاكر ولا شيء  اخافه يظهر في اي لحظه. الله يعين ان شا ءالله .

رحت استار بكس اليوم العصر  وطلبت كوفي   وقالتلي المرأه قالتلي شو اسمك علشان تكتبه في اكوب  المهم قلتلها محمد  قالتي كيف انسى هذا الاسم وهو أسم الجلب مالي . جان اطالعها  واقولها مسميه الجلب مالج محمد. قالت هيه  قلتلها لان اسمي محمد وتقوليلي سميتي اسمه محمد . وقلتلها لانج تعرفين بان رسول المسلمين اسمه محمد وانتي تسمين محمد . المهم انا عصبت كثير وهيه لاحظت عليه لاني رجعتلها وهي تاخذ طلبيه شخص وقالت انا سميته على الملاكم محمد علي. أقدر اشتكي عليها في استار بكس بس قلت ليش اسوي مشاكل  وانا بعد شهر مسافر.

التاريخ واليوم

الحمد لله وصلتني ايميلات كثيره يشكروني على مجهودي بالموقع وخاصة بقسم الفوتوشوب والدروس ايضا. وبصراحه هذا الشيء  يفرحني وايشرفني باني اشوف ايميلات يمكن لأن اسلوبي غير بوضع الملحقات وعرض الدروس. الملحقات ما اجمع اي شيء واضعه للزوار  لا لا  الاشياء الي اضعها بالموقع اشياء انا احبها للملحقات ومعضم الملحقات مصوره  مب حلوه الزائر ينزل الملحقات  وبعدين يكتشف بان اشياء ما تعجبه. أحاول قدر الامكان افهم فكر الزائر للحاجات التي يريدها والدروس ايضا. والكثير من الناس قالي بان موقع الغريب من المواقع الكبيره للفوتوشوب هههه عاد اخوكم محمد شوي وبيطير من الفرح. تجميعي كل هذا وترتيبي لها  لأجل الحصول على دعوه صافيه من الزوار. أنا عارف هناك حسودي وكارهين بس الحمد لله الصمود احسن شيء. أحب يكون كل شيء من مجهودي الشخصي. اليوم وضعت مجموعه حلوه من الزخارف  ورتبت وضفت مجموعه من الفرش. وفي الايام القادمه سوف اضيف اكثر بأذن الله.  اليوم بعد وضعت قسم جديد بالموقع  سميته فيديو الغريب احاول اتعلم واتفنن بالفيديو  بس شكله يباله وقت. تصدقون من اليوم باقي على رجوعي للامارات  ثلاثين يوم بالضبط بعد عناء ثلاث سنوات بامريكا. يالله  مع السلامه.

التاريخ واليوم

احم احم أ:يد متوقعين باني بعطي بنزنتيشن البارحه صح  بس النحاسه الكلاس تكنسل  كنت ابي اخلص وكنت متحمس وايد يالله يالله سوف القي البرسنتيشن يوم الاثنين العصر

هيه ما بخبرتكم عن القروب اليديد ولا تقولون ما بتشتركون او ما تعرفون تشتركون خلوو العمليه سهله

فقط ضع ايميلك واضغط join

وبعدين بيوصلك ايميل  اضغط على replay وبدون ما تكتب شيء اضغط send

كل هذا ما بتعرفون يالله اشتركوو ههههه بعاطيكم صفحة القروب علشان تعرفون الاشتراك اكثر

http://www.algreeb.com/group.htm

التاريخ واليوم

من قبل ثلاث سنوات أقول برجع بعد ثلاث سنوات  ونسيت ولا حسيت بالوقت تمر عليه ايام وشهور واناعادي ولا حسيت بأي شيء  بس أول ما قرب رجوعي للأمارات قمت افكر وايد بالرجوع كيف بخلي منطقتي الي عشت فيها ثلاث سنوات وكيف بقابل الناس يمكن اناشوي  زودتها بس  تفكيري ما يوقف . أقول كيف بقابل الناس هناك  وكيف بتكون اطباعهم  هل انا بكون عادي هل انا بتفشل على اطباعي لان اطباعي غير واسلوبي بالكلام غير . عندي أشياء كثيره ابي اسويها بالبلاد بس ما ادري هل بقدر اسويها أو لا .

عندي اغراض كثيره بس ما بشلها ويايه البلاد بشل حبيبي الكمبيوتر بس والكاميرات بس بعدني خايف بان بالمطار يشلونهن وما يرجعن  لان صارلي هذا من قبل والان عندي السياره  خربانه  متعايز اصلها وابي ابيعها  وان شاء الله ببيعها قبل ما ارجع . بعد الي محيرني هل اشتري سياره في البلاد  وشوو نوعها  .بصراحه ما ابي اشتري سياره يوم برد ابي ارتاح من السيارات شوي هههههه

احس بأن صداع بيجيني لما ارجع الامارات كلام كلام كلام كثير يصير هناك من هذا وهذا وهناك مقارنه بحياتي بامريكا بسيطه جدا  اروح الجامعه وارجع  وبعدين افكر أكل واشوف التلفزيون وبس . في البلاد  فلان سوى  وعلان سوى وهذايتكلم على هذا وهذا يحقد على هذا .

والي يقهرني أكثر الخراب في البلاد أو بمعنى ثاني جهلهم بأشياء أنا اذكر قبل احاول اتناقش وياهم  والله حتى أسلوب النقاش ما عندهم خلاص فكره غلط في بالهم ومخزنه مشان كذا  عودت نفسي اول ما اكلم انسان اشوفه هل هو متفتح عقليا ياخذ ويعطي علشان اكلمه.

أنا أكثر شيء يقهرني الظلم والعنصريه عندنا في بلادنا مع اننا بلاد مسلمه وكل مسلم مثل المسلم. بس شوو نسوي مرات أقول حكم القوي على الضعيف. في بالي شيئين يا أني اتقرب من مجتمعنا او اني ابتعد يعتمد على رجعتي للامارات. عندي كلام كثير بس بكتبه مع الوقت

التاريخ واليوم

شفت موضوع بالمنتدى وهو بعنوان تغطي يا بنت طلع مواطن لاحد الاعضاء وعملت تصميم  والي حاب يشاركنا النقاش يتفضل هنا

http://www.algreeb.com/vb/showthread.php?p=34833#post34833

التاريخ واليوم

ما أدري اذا بأني اكتب مقالة عن الصارحة بنظري او لا بس حبيت أعمل بحث بالنت واسوي استفتاء مع الاشخاص الي اعرفهم عن الصراحه وشوو نظرتهم للصراحه كل شيء بكتبه سوف يكون بنظري الشخصي

الصراحة شيء جميل جدا  وكل أنسان يحب بأن يكون صريح او يقابل أناس لهم صفه الصراحه . بس في هذا الزمن صعب تلقى الصراحه من بين الناس وخاص من بين الزوجين ومن بين الشغل او الصداقة . وفي أعتقادي الشخصي بان الصراحه شيء جميل لانها سوف تغنيك عن مشاكل سوف تواجهها مستقبليا . في نوعين من الصراحه الي اشوفهن انا بنظري  وهي الصراحه  من البداية او الصراحه بالشيء بالاخير .

الصراحه من البدايه شيء جميل علشان تكون واضح من البدايه مع شريكه حياتك او تكون واضح بشغلك او بحياتك . مثل ما يقول المثل ألي أوله شرط أخره نور انا اقصد بالشرط هو الصراحه والوضوح .

في بعض الناس يقولون الصراحه مب زينه لانها بتخرب اشياء بحياتهم بس أنا اقول هذولا الناس ما فكرو بالمستقبل او بالاشخاص الاخرين يمكن يضرونهم بعدم صراحتهم .

أول شيء ما عندي خبره في الحياة الزوجيه بس عندي منظور خاص لهذا الوضع  بأن  الصراحه تبدأ من أول ما يعرفون بعض . وما أعتبر الصراحه هي بأن الطرف الاخر لازم يقول عن ماضيه لأن الماضي ماضي وانتهى . الصراحه من النقطة التي عرفوو بعضهم فيها .

وللصراحه اسلوب خاص  علشان ما تتحول من الصراحه للوقاحه . الصراحه لما تصارح شخص لازم تصارحه بأنفراد  مب تصارخ على ويه او جدام الناس وتقول انا صريح هذي حقاره مب صراحه

الصراحه لها كلام كثير في مجالات مختلفه بس انا كتبتلكم  ملخص سريع الصراحه بنظري

التاريخ واليوم

البارحة  شفت وحده اعرفها من زمان قالتي محمد انا بعمل بحاضره عن الامارات والعادات والاكل قالتلي ساعدين قلتلها اوكيه قالت بس لازم تجي معايه الكلاس وتاكل الاكل الي بيسوونه اونه اكل اماراتي وقالت هيه بتسوي المحاضره واخر شيء بتسالني كم سال وبعدين الكلاس بيسألني كم سأل عن الامارات والعادات قلتلها اوكيه  وعطيتها علم الامارات وما بتصدقوون شوو عطيتها بعد عطيتها صوره الشواب ونحن كلنا يالسين انا وعيال عمي قلتلها شليها وحطيها على الطاوله علشان يشوفون كيف نحن نجتمع . أنا بسير الكلاس عندهم يوم الأربعاء القادم وبشوف شوو يصير اذا صورت هناك براويكم الصور .

التاريخ واليوم

شووورايكم  نسوي جمعيه  ونخلي راشد الماجد ولا محمد عبدو يعني بأسامينا ويمدحوووون فينا لين نقول بس . والله حالة يا عرب الله قلنا مناسبه وبيغنون فيها لحد معين بس  صارت هذي الايام موضه . أنا لو عندي الخير بخلي احد المغنيين يغني لبشكارتنا ويمدح فيها خلاص ماشيء شغله .خلوووو نا بعيد عن السياسه بس كنت اسولف 

حبيت أقول الرجال ليست بالمدح بس الرجال بالفعل والمعاني الطيبه . والله كل يوم أسمع أغنيه عن احد شخص معين  وأضحك  ولما يسمعونها ربعي  الخليجيين  يقولون فلوسكم وايد أقولهم مب بس فلوسنا وايد خقتنا وايد بعد .

حبيت أقولكم باني نزلت صور يديده بالموقع www.algreeb.net عن رحلتي . ان شا ءالله قريبا راجع للامارات يمكن اقل عن شهري من الان  الاسبوع القادم بحاول اوزع  أغراض البيت ويمكن اطرش سيارتي البلاد  قبل ما اتخرج بطلع من الشقه وبروح يمكن الفندق او عند احد من الشباب  لاني برجع الامارات اول ما اتخرج على طول أبي الفكه .

السموحه لأني ما اكتب مذكراتي كثير هذي الايام 

تعرفوون مرات اكتب مذكرات بس مرات اكتب مشاكل اجتماعيه عندنا عندي قضايا كثيرا أقدر اتخيلها بمجتمعنا

التاريخ واليوم

السلام عليكم ورحمه الله وبركاته

أدري من فتره طويله ما كتبت شيء بس لاني كنت مشغول  ومن اسبوع سافرت لوس انجلس بكاليفورنيا  سافرت بالسياره واستغرقت الرحلة  7 ساعات سواقه بالسياره  المهم الله يسلمكم وصلنا لوس انجلس وسجلسنا عن واحد من الشباب  وبعدين بنفس اليوم طلعنا ل سانديوقو  تبعد ساعتين من لوس انجلس  المهم وصلنا هناك وقمنا نبحث عن فندق ولقينا الفندق وسكنا المهم تمشينا هناك وصورت صور كثيره سوف اضعها في موقع الغريب للصوره قريبا اول ما اضعها بخبركم المهم وبعدين رجعنا ل لوس انجلس  وذهبنا ل هوليوود اكيد تعرفون هوليود وين الممثلين والافلام كلها هناك  تجولنا  في المنطقه وبعدين رجعنا  بس اهم شيء الصور الي بتخبركم  وين راح الغريب والمناطق التي زرتها 

على فكره انا اليوم راجع من هناك وعلى طول كتبت هذا  متحمس  وفي نفس الوقت انا فرحان لان قرب وقت تخرجي من الجامعه والاسبوع القادم بكون شوي مشغول بالدراسه لان عندي امتحان  وعندي فعاليات لازم ارتبها للمسلمين في منطقتي بالجامعه  المهم انتظروو الصور

التاريخ واليوم

قولولي الحمد لله على السلامه  تعرفوون الواحد لما يتعشى ويرتاح  ويركب السيارة ويروح النادي علشان يسوي رياضه ولا يسمع نانسي عجرم يا طب طب  ههههه  هذا انا   بس واحد غبي عنده سياره يمشي عكس السيد ولا شكله واثق قلت ياويلي على الشرطه وينهم  المهم  لما يمشي عكس السيد وبعدين حس بانه عكس السيد ضحكت عليه ورحت

والله يا ناس بأن في ناس ما يبوون  يفكرووون أبدا ولا يحاولوون يفكووون  أقل أقل شيء الانسان يفكر شوي حتى لو ما يلقى حل والله طرفت من الناس الي يسالوني اساله يبالها شرح كثير وهم ولا على بالهم  والله استوى ويهي لووح 

الحمد لله اي احد يطلب اشيء اطرشه المنتدى ولا أخليه يكتب ايميل  وينتظر دوره بالرد

نسيت اقولكم تعرفووون بعض الفلاشيات تاخذ وقت لحد ما تنزل على جهاز او تظهر بالمتصفح  تعرفوون بعض الناس شوو يقولون لما ما تظهر بسرعه يقولون بان الغريب مسوي لنا بلوك   لا تعليق .........

التاريخ واليوم

 جيف الحال  شووو الاخبار  أدري هذي الفترة ما قمت اكبر كثير

المهم  سمعنا بأن حفلة نانسي عجرم بتكون في منطقة سان فرانسكو في نص هذا الشهر  وأنا افكر اروح بصراحه يعجبني غناء نانسي عجرم هههه أدري بيقولون  أونه بس غناها   بصراحه نانسي  حلوه  وكيووت  وتستاهل نروح نشوفها بالطبيعة ولا شوورايكم  المهم لحد الان ما ادري يمكن اروح ولا ما اروح .

وان شا ءالله في نص هذا الشهر بروح لوس انجلس عن الشباب وباخذ جوله طويله في كليفورنيا. اليوم وضعت خامات كثيره للفوتوشوب بمكتبة الفوتوشوب للمصمم بالموقع  أن شاء الله يكون موقع الغريب المرجع الأول للمصمم ومستخدمين الفوتوشوب . وباجر ببدأ الدورة بالفوتوشوب   وبصراحه هذي أول دورة اسويها للفوتوشوب بس انا متشدد شوي على التطبيقات وعلى الاعضاء الجادين بالدورة . لأني عارف الاعضاء ما ياخذون الامور بجدية  بس ان شا ءالله الدورة تنجح الكثير يتخرجووون على أيادي الغريب هههههه اوني عاد صرت استاذ . المهم شكلي بسير أشوف الاخبار  يالله فمان كريم

التاريخ واليوم

عايش في ملل مب طبيعي بصراحه لاني ماخذ فقط كلاسين هذا الفصل وسهلات ايضا

الحمد لله صممت استايل حلوو اللمنتدى  وعملت دروس كثير للفوتوشوب والفرونت بيج  واليوم فتحنا باب الاشتراك في دورة الغريب للفوتوشوب وان شاء الله الكثير يشترك وبعطي كل خبرتي بالتصميم  لأوصل المعلومات والدروس الصحيحه للزوار والمشتركين   لان المثل يقول لا خير في كاتم علم  اضني مثل هذا ما ادري والله المهم

والله دوم افكر بالبلاد وكيف بعيش هناك وشوو بسوي لما اوصل وكيف بقابل الاهل والاصدقاء ما أدري أحس شيء غريب بيكون  ودائما اسال نفسي هل الناس تغيرت? هل منطقتي تغيرت ? هذا الاشياء اكثير بس خايف بأني ما اتأقلم عليها بس بصراحه ما اعرف شوو بسوي بالمنتدى احب التطوير دايما  بس خير لين ذاك الوقت لان عارف نفسي لما ارجع الامارات ما بدخل كثير الموقع ولا بجدد فيه بس قبل ما ارجع برتب كل شيء اذا كانت هناك ادارة قويه بالمنتدى بخلي المنتدى فقط للفوتوشوب وبشل كل الاقسام الباقيه والله أعلم  يصير خير لين ذاك الوقت الدروس الي سويتها كلها بتوقف بعد فتره   انا مسويها تماتيك هههههههههههه

التاريخ واليوم

لما صحيت الصبح  كنت أفكر في البرسنتيشن الي بلقيه اليوم المهم رحت الجامعه ولا قريت اي شيء لحد قبل الكلاس بنص ساعه قريت شوي  ولقيت واحد من الشباب قالي وين  بتسير محمد قلتله عندي برسنتيشن عن حقوق المرأه بالاسلام قالي حلوو بروح معاك قلتله يا مرحبابك تعال معايه الكلاس رحت الكلاس  في كان قروب  متقدميها تكلمو عن اختلافات الاسلام من بين السنه والشيعه المهم بعدين جاء دورنا وانا وربيعي الامريكي .

قمت انا ووقفت جدام أكثر من 200 طالب في الكلاس وسلمت عليهم وعرفت عن نفسي وعن ربيعي وقلتلهم عن شوو موضوعنا اليوم وهو حقوق المرأه بالاسلام.

المهم قريت آية قرأنية  بالبداية والقيت المحاظره بنجاح وبعدين بدأ ربيعي يتكلم المهم  لما خلص ربيعي جاء وقت الاسأله .الاستاذه رفعت ايدها تبا تسال  بعاطيكم لسته بالأسألة  التي طرحوها الي انا بالذات  والاجوبه الي انا قلتها لهم بس انا جبتها بطريقه ثانيه مرحه وحلوة أدري شوي خبصت بس يالله عادي .

ليش الحجاب مسموح للمرأة وغير مسموح للرجال ؟

قلتلهم خلووكوو واقعين وخاصة الشباب قلتلهم منوو أكثر يحب الجنس الشاب ولا البنت .الشباب نعم نعم نحن نحن هذا شيء طبيعي  قلتلهم اوكيه  تخيلووو  100 شاب ومن بينهم  بنت  كل الشباب بيطالعووون البنت اوكيه خلوو 100 بنت   ومن بينهم شاب  ما بيكون شيء كبير لهم

قلتلهم مثال ثاني نحن عايشين في الجامعه يا شباب قلتلهم لما تمر وحده حلوه  ما تشوفونها من تحت لين فوق  كلهم قالوو نعم وخاصة اذا مطلعة نص جسمها وقلت للبنات انتو ما تلاحظون بانهم يشوفونكم وايد  كلهن قالن نعم

قلتلهم شفتوو كيف البنت لازم تحمي نفسها وتقي نفسها بالحجاب  لان الاسلام فرض الحجاب للحماية وللاحترام .

شوو شعورك بما أنك مسلم ومن دولة فيها المرأة لازم تتحجب وانتا الان في دولة فيها المرأة لا تتحجب ؟؟

قلتلهم ليس  كل مسلم  عارف كل شيء عن الاسلام و ليس  كل مسلم ما بيغلط  وليس كل مسلم ما يشوف وأيضا قلتلهم ليس كل بنت تقول مسلمه بتكون متحجبه .

ليش عندكم الرجال يتزوج أربع زوجات ؟؟؟

قلتلهم لو المرأة مرضت وهيه مع زوجها وما بتقدر تسعدة وتخليه سعيد ولو طلقها بتكون عاله على اهلها وما بتعرف تعيش ومنوو بيساعدها بالمعيشه .الرجال لازم يكون له عذر قوي علشان يتزوج أمرأة ثانية مثل مرض زوجته الاولى وثاني شيء لازم يعدل من بينهن لازم

المهم طلعوو عن موضوع المحاضرة وسالوني هذي الأسأله هل انتوو تقابلون  وتطلعون مع البنت الي تبغونها لفترة  او ماذا بالضبط التي تسووونه عندكم  ؟؟؟؟

أول شيء شرحتلهم بان  تقريبا الاهل يختارون وبعدين العائلتين يتقابلون ويشاورون البنت واذا وافقت ولا لا  وبعدين بعد الملجه تقدر تقابل البنت  وتكلمها  وكذا يعني . قلتلهم في بالتلفون او يشووف البنت جدام أهلها بس ما ياخذ البنت  ويروح معاها لمده اسبوع ويجربها واذا ما بغاها يرجعها هذا الشيء ما عندنا هناك .

وقالت وحده  نحن هنا نطلع ويا الواحد علشان نعرفه زين ؟؟

قلتلها شووفي خلينا صريحين مع بعض الشباب لما يواعد وحده وين يوديها  معروف يوديها البار وين يشربون الخمر انزين  قلتلهم يخليها لين ما تسكر ولما تسكر البنت شلها البيت  وجربها لين الصبح  وبعدين يقول اذا تصلحله ولا ما تصلحله .

الحياة الزوجية  لها نظرة ثانية في الاسلام.

لماذا ليس هناك حريه للبنات مثل الأولاد في بلاكم المسلمة ؟؟؟؟

قلتلهم اكيد في حرية المرأة تتعلم وتشتغل  ولها حريه بانها توافق او ترفق للزواج ولها الحقيه بانها تسوق . بس انا قلتلهم انتو يمكن قصدكم بانها تطلع  وتروح مع الشباب يعني اختلاط وكذا  قالو هيه  قلتلهم شوووفي حاله البنات هنا في امريكا كيف كل وحده عمرها  18 سنه ومع ولدها  ومب عارفه شوو تسوي واهلها يطردونها من البيت يوم تكمل 18 سنة   تسوي اي شيء علشان تعيش ولدها  ويروح مستقبلها ولا تقدر تروح الجامعه وكل هذا شو سببه  الاختلاط  مع الشباب من البدايه وحتى البنت مب عارفه منوو أبوو الولد  ولا  أبوو الولد يريد يعرف بان عنده ولد قلتلهم هذي مب روتين الحياة . عندنا هناك  البنت تتزوج  ويكونون عائله  ..... وصارت نقاشات اكثر معاهم.............

كيف أهلك يتخارولك البنت ؟؟؟

قلتلهم أهلي ما يزوجوني غصب عني أهلي يختارولي البنت  وانا  أقول نعم أبيها ولا لا .  بس انا بختار البنت الي أبيها بنفسي الي انا مقتنع فيها

ما تشوف البنت قبل الزواج ؟؟

أكيد اشوفها  بعضهم يرضون يشوفونها  بالصوره  وبعضهم تكون البنت تقربلهم ويعرفونها زين والبعض الاخر يعرفها في الشغل او شافها في مكان معين يعني على حسب العوائل .بس انا لازم اشوفها واعرفها

سألت الاستاذه  تقول بما أنك من دولة غنية  يعني كل الناس بالدولة غني ؟؟

قلتلها شوفيني أنا مثل ما تقولين من دولة غنية بس لو لا  البعثه الدراسية ما أجيت ادرس هنا بأمريكا. قلتلها بالعقل اذا دولة غنية مب معناتها الشعب يكون غني .قلتلهم بعطيكم مثال نحن في بلادنا يقولون امريكا متطوره وغنية وكل شيء عندهم بس ما يعرفوون بان  في فقراء يعيشون بالشوارع ما عندهم شيء ياكلونه .

صارت نقاشات كثيرة والله ما أذكرها بالضبط  المفروض اتكلم 10 دقايق  بس تكلمت 35 دقيقة بنفسي

لما لخصلت الاسألة  وانتهت المحاضرة الاستاذه تشكرني كثيرا وتقولي سويت  زين بالمحاضرة والأسألة التي عطيناك اياها والطلاب يشكروني ويسلمون عليه ههه حسيت باني واحد مشهووورر .

وخاصة البنات يشكرني كثيرا ويقولن بانك وضحت كثير لهم في هذا المجال .ولما طلعت من الحاضرة وانا امشي رايح السيارة  وحدة معنا بالكلاس جت وسلمت عليه وقالتي أنتا فنان بأسلوبك بالاجوبة وقالتي قبل ما تدخل الكلاس كان عندها صداع بس لما خلص الكلاس تقولي راح الصداع وانا فرحانه باني سمعت محاضرتك .

أخر شيء عطتني الاستاذه هذي الورقة بالعلامة كاملة وقالتلي انتا اعلى علامة في الصف

أضغط هنا لترى الورقة او النتيجة بخط الاستاذة

رايك يهمنا

التاريخ واليوم

التاريخ واليوم

احم احم أ:يد متوقعين باني بعطي بنزنتيشن البارحه صح  بس النحاسه الكلاس تكنسل  كنت ابي اخلص وكنت متحمس وايد يالله يالله سوف القي البرسنتيشن يوم الاثنين العصر

هيه ما بخبرتكم عن القروب اليديد ولا تقولون ما بتشتركون او ما تعرفون تشتركون خلوو العمليه سهله

فقط ضع ايميلك واضغط join

وبعدين بيوصلك ايميل  اضغط على replay وبدون ما تكتب شيء اضغط send

كل هذا ما بتعرفون يالله اشتركوو ههههه بعاطيكم صفحة القروب علشان تعرفون الاشتراك اكثر

http://www.algreeb.com/group.htm

التاريخ واليوم

كيف الحال والاخبار هههه اليوم عيد الحب ولا عيت التعس هههههه  يابخت لي يحبون بعض مستانسين اليوم الله يوفقكم

المهم خلوونا بموضوعي اليوم العصر عندي محاضره بلقيها على طلاب الفصل عن حقوق المرأه بالاسلام  ولا بقرى قرأن بالعربي  عادي طاف لو ما يفهمون وبشرحلهم ليش المسلمات يلبسن الحجاب  بس ما عليكم بستر على البنات الي اونهم يلبسن حجاب وغشوه  بس يحطنها على الجتف ههههههه هذي الي تحط العبايا على الجتفها ليش ما تخليها بالبيت اوفرلها ولا شووورايكم تصدقون لازم اسوي استفتاء للشباب عن الغشوه للبنت والعبايا المخصرة

المهم يالله بسير اتدرب على المحاضره قبل ما القيها اخافني اخبص ههههههه ادعولي أحصل  درجه كامله

التاريخ واليوم

بعض الأحيان أحب أعمل بحصل لشيء معين وهو بالقيام بسأل بعض الناس واخذ رايهم وهو ما يسمى بالبحث المهم البحث كام عن علاقة العلم والشغل بالزواج الله يسلمكم بعض  ما قضيت فتره اسال هذا وهذاك استنتجت التالي مع اني غير متزوج بس عارف كل هذي الامور

البنت زات العلم الزائد :

الله يسلمكم بعض البنات عندهم عقليه مب طبيعيه وذكاء الله يزيدهم بس  يخلصن المدرسه بمجموعه عادي  وتكون عمرها  18 سنه  وتدخل  الجامعه  ولما تخلص يكون عمرها تقريبا 23 او 24  المهم الحينه النقطه تبدأ اذا حصلت هذي البنت على تقدير عالي تقول ليش ما اكمل ماستر وترفض كل الي يتقدمولها المهم كملت الماستر وصار عمرها 26 الله وفقها وحصلت على نتائج زينه  بس هيه رافضة الزواج علشان علمها وهيه تقول مب مستعجله على الزواج المهم قالت البنت بتكمل دكتوراه كملت تدكوتراه وصارت دكتوره في التخصص لها وصار عمرها حدود 30 سنه وبعدها ترفض الزواج وتقول  ول ول انادرت كل هذي السنين وما تبوني اشتغل كم سنه المهم اشتغلت كم سنه وصار عمرها 33 سنه بعد ما ملت من الشغل قالت الحينه ابي اعرف بس ابي اشتغل بنفس المكان  لحد الساعه اربع العصر المهم عمرها كبير وعندها شرط قوي وتنتظر البنت لحد ما كملت 35 او 36 البنت من دكتوره لمتعقده نفسيا لانها ما تزوجت وبهذا العمر يا انها خذتلها حيالله احد  ولا عنست وهيه متعدة من العلم والشغل  هذي حالة وسوف نذكر الحالات الثانيه

البنت الي تبا تشتغل وتحصل فلوس :

الله يسلمكم هذي البنت تخلص جامعه على عمر 24 سنه وتحب الكراف هذي البنت المهم تشتغل واشتغلت في شغل يكون لحد الساعه ثلاث الظهر او الربع الظهر وحابه شغلها لانها يعطونها معاش قوي والمعاش تقدر تشتري المكياج والحركات هذي كل ما يجيها احد تقول شرطها تكون في الشغل واحد على نياته قال يالله دامنها بتكد على نفسها المهم تزوجو مع الايام  الرجال ملل من حرمته الي تجي الساعه ثلاث او اربع العصر المهم الرجال سواله صديقة علشان تسليه في غياب زوجته المصونه  ولا مب هذا بس العيال عن الخدامه حتى عربي ما عرفون مرت الايام الرجال قال يتزوج مل المسكين قالووو  ول الريال خاين ما يبا حرمته الي تشتغل ليل نهار علشانه  ما يعرفون بانها تشتغل علشان المكياج  المهم البنت  ما ترضى بان تكون لها عديلة طلبت الطلاق  تراها كلمه بسيطه هذي الايام .

في انواع ثانيه من البنات بعد بس ما ذكرتهن يمكن في المرات الجايه اذكرهن بس خلوونا الان مع الشباب :

الشاب الي ما يكمل علمة :

الله يسلمكم في نوعين من الشباب الي ما يكمل علمه شباب بعد ما يخلص المدرسه قال يبا يشتغل ويكد على نفسه وراح الجيش والنوع الثاني بعد ما يخلص المدرسه قال ليش اكمل دراسه وانا ابوي عنده بنايات وفلوس وايد. نص الي في الجيش لما يشتري سياره يشتريها احسن سياره لان البنت ما يقصر في الدين المهم بيكون عليه يدون كثيره  الولد بغى يتزوج  المهم قال الولد وتدين اكثر  البنت يسحب من هذي الديون . الولد يكرف ليل نهار والمعاش يروح للبنك وما يلحق يدفع الفواتير او يسد حالجه البيت واخر شيء يتعقد نفسيا ويعيش في ندم طول حياته . النوع الثاني الي يترك المدرسه وما يشتغل هذا الله يطول بعماركم  المدلل  حبيب ماما  لانه عنده الخير وايد اشتراله اخر موديل سياره ورقم حلو وهذا كله للمغازل . هذيلا الناس ما يقدرون يمشون حالهم ابدا لازم احد يسويلهم الشغل . امه المسكينه تباه يعرس علشان يصطلب ويصير ريال . المهم سوولها عرس بملايين الولد عرس . والبنت تبا رجال شديد ويشتغل ويكد على البنت ويكون المثل الاعلى لعيالها  المهم هذا لا شغل ولا شيء مجابلها اربع وعشرين ساعه عافته هههههههه .

ان شاء الله بذكرلكم الاشياء الحلوه في بعض الشباب والبنات في الحلقة القادمة

6-2-2007الثلاثاء  

التاريخ واليوم

أهلين وسهلين جيف الحال أول مره في حياتي احس بملل مب طبيعي أجلس على الكمبيوتر كثير  اروح الجامعه وارجع واروح النادي العب رياضه بس بعد  في فراغ كبير  قبل يوم كنت  اخذ مواد كثيره اقول ياليت لو عندي يوم واحد انام فيه عدل  والحين النوم مل مني ههههههههههه . عندي وقت اسوي دروس فوتوشوب ودروس فرونت بيج . بعض الاحيان الناس تدخل الموقع تحمل الدروس وتروح كلمه شكر مافي  بس ما عليكم  انا سويت الدروس لها تاريخ انتهاء  لاني كل الدروس بوقفها من الموقع  وبحطها بسيديات ولانها بصراحه كبيره .

يا اخواني واخواتي الرياضة وايد زينه صدقوني لا تخلوون الرياضه لانها تنعش الجسم والعقل وتخلي اجسامكم حلوه .الناس تروح تسوي رياضه علشان تكون اجسامها متاسقه والله يعاطيكم ويعاطينا العافية .

هيه سمعت كلام كثير بان مذكراتي مب زيه أونه موقع رسمي مب زين تكتب كذا يا ناااااااااس يا هووووو هذا موقع شخصي مب رسمي يعني احط اي شيء فيه على كيفي. أونه بعضهم فضيحه لا تكتب بهذا الاسلوب أقولكم وشوو الي يمنعني باني اكتب حاب أقول للناس الي تفكيره كذا  احسن لا يدخلون موقعي .

اليوم وانا راجع من النادي الي اسوي رياضه فيه كنت اسمع غنيه يا طب طب ههههه وشوي والشرطه عدالي اقول لو اطول على الاغنيه بيرقصون الشركه كعكعكعكع .

3-2-2007السبت   

التاريخ واليوم

والله ما أعرف كيف ابدى موضوعي الي افكر فيج لما اشوف التطور في امريكا واشوف بلادنا عندهم الخير وزياده  انا فكرت بشيء وهو لما شفت الاسعافات والمطافي والشرطه يهمون على اي شيء صغير يصير للاحتياط بقولكم الفرق

يالله يسلمكم عندنا بالبلاد اي احد يشتغل بالمطافي يكون محظوظ وايد ليش لان ما يتحرك من مكانه ومعظم الي يشتغلون بالمطافي يلعبون ورقه ولا يالسين يشربون شيء  أدري بعضكم بقول وين الحريق علشان يطلعون مب شرط يكون حريق  يعني مثلا لا سمح الله احد سوى حادث الشرطه ما تقدر تقطع السياره او تحرك السياره بدون المطافي لان في المطافي عندهم المعدات اللازمه

انزين اذا استوى شيء اول شيء الشرطه تتأخر في بعض المناطق في الدوله وخاصه المناطق النائيه وبعد ما يجون الشركه يكتشفون بان  يبون اسعاف ويتصلون بالاسعاف وتعرفون الاسعاف تاخذ وقت لين ما توصل من الزحمه ولما توصل الاسعاف يكتشفون بانهم يريدون احد يقطع السياره المهم بيتصلون بشركه علشان يطلعون الانسان لا سمح الله الي في السياره  لين ما توصل السياره الله يعلم شوو بيصير بالشخص . انزين وين المطافي الذين عندهم الخبره في تفكيك السياره ولا تقوليلي بان الطافي للحريق بس  لان في امريكا المطافي لكل شيء ليش ما نطور ادوات المطافي لنخليها اكثر ما شاءالله   سمعت بان كل لاعب الي فازو بكاس الخليج عطوهم بالملايين  ليش ما ينفقون على المطافي ويطورونها . انزين بعديكم مثال الذيد بالله عليكم يا يحتاجلها هاليكبتر اسعاف  يعني بالعقل كم بتكلف شراء هليكبتر متخصصه بالاسعاف وتكون اسرع فرضا بنقول  20 مليون   شوفي اللعيبه كم عطوهم الهاليكبتر سريعه للوصول للمناطق وخاصه في  طريق الذيد الشارقة او طريق دبي بوظبي . دبي ماشاء الله عليهم عندهم هليكبتر اسعاف  .

الي لاحظته بان الاهتمام بالتطور اكثر من السلامه . يعني علشان يحافظون على السلامه يقولون للناس هالله هالله عن السرعه ولا بنعاطيكم مخالفات انزين الانسان ما يدري شوو مكتوبله صح ولالا . الغرض من كل كلامي هو بان المفروض تكون تطور السلامه عندي شوي يرفعونه ويحركون المطافي والشرطه في المناطق النائيه مثل الذيد والمناطق المجاروة يشدون عليهم . من قوانين امريكا اول شيء السلامه في المصانع اوالشركات او اي شيء حكومي او خاص حاجات السلامه في المرتبه الأولى .

3-2-2007السبت   

التاريخ واليوم

وصعت الصور والكلام كله هنا

http://www.algreeb.com/vb/showthread.php?t=1468

29-1-2007الإثنين   

التاريخ واليوم

أدري بتكلم بشيء ابدا غير عن مذكرات اليوميه  بس هذا الشيء خطر في بالي وحبيت اكتبة وهي وجهة نظري في موضوع تربية الأطفال وانا احترم وجهه نظر كل انسان ولأن كل احده وله وجهة نظر خاصة واسمحولي اذا حشيت شوي المهم خلوونا بموضوعنا وهو تربية الأطفال .

الله يسلمكم ليش الأطفال ما يقدرون ينطقون الكلام صح أو ما يقدرون يتكلمون صح الا لما يكبرون ويمكن يدخلون المدارس وهم ما يعرفون يتكلمون  هل الخلل من الاطفال  ؟؟؟ من منووووه  أكيد من الوالدين  أف اف أسف مب الولديين للطفل لأن  الوالدين يعطون عيالهم للخدامات  بعني بالأصح عيال الخدامه والمسوحه على هذي الكلمه وانا ما أعمم  بس معضم الاطفال تربو على يد الخدامه وكلمه الصراحه ما تزعل . شفت بعيني  لما كنت بالامارات اكلم الأطفال والذين يقدرون يتكلمون بشيء بسيط ابدا  كل كلامهم اخخخخ  ناااااااااااااا كلمه يديده منزله وهي  اكه اكه  تعرفون ليش لان اول الوالدين ما يتكلمون مع اولادهم وثاني شيء لما الطفل ينطق بكلمه  قامووالاهم وكررو خلفه وضحكوو على الطفل .يعني اذا بغو يكملون الولد يقولوه أما اما  عنبوه بهيمه الطفل  المفروض يقولوه كل  . مثلا الطفل وسخ نفسه ما يقولوله وسخت نفسك  لا لا  يقولوه اخ اخ اخ . لما اشوف هذا الاشياء اشعر بالاسف للأطفال . عشت مجتمعون مجتمعنا بالامارات وعشت مجتمع في امريكا  عندي اصدقاء عندهم اطفال والله استانس لما اقعد وياهم يكلموني ويحكولي شو يسوون بالمدرسه وكذا  مع انهم صغار . أتذكر اليهال عندنا  أقول والله عيالنا اذكيه بس يخلونهم ما يعرفون ينطقون ولا يفكرون  .

وبزيدكم من الشعر بيت اذا الطفل تعلم كم كلمه ما يكونن كلمات عربيه يكونن كلمه عربيه على هنديه او اندونيسيه . والأهل مشغولين بالشغل علشان ايمعون فلوس كثيره للولد لما يكبر اونه يضمنون مستقبله هههههههه ولما يكبر الولد خذ الفلوس من عند ابوه وامه وعطاهم بلباس . تعرفوو شوو يصير بعدين  الأم تقول للأبو هذي تربيك والأبو يقول هذا كله منج مخلتنه مع الخدامه بروحه . وهذي هي السلسله  عندي كلام كثير لهذا الموضوع  بس بخليها في المرات الجايه يمكن أقول امثله مقتعه وواقعيه.

23-1-2007السبت  

التاريخ واليوم

هيه والله البنات أن كيدهن عظيم الله يسلمكم وحده ضافتني من زمان وموقعها أرض دبي  المهم البنت تتخبرني عن المواقع والتصميم وكذا  المهم استوينا ربع مثل ما يقولون بالماناسجر ما ادري شوو استوى من بيننا تعرفون بلوك ودليت للطرفين المهم انا اشترك في منتدى ونسيت بان المنتدى حقها  لان من كثر الملل مشترك في اميه منتدى ماشيء شغله هههههه  الله يسلمكم  تعرفوون النت صوره منتشره واخذت مجموعه من الصور معروضه في موقع لتطوير المنتديات المهم  بعدين اكتشفت بأن الصور المستخدمه في منتدى البنت  نفس الصور الي الولد عارضنهن تعرفون النت  كل شيء مفتوح مشان كذا مسمايه الشبكه العنكبوتيه ههههه ما شاء الله عليه حكم

اليوم  جت البنت المنتدى عندي وكاتبه موضوع تهدد في قسم الاقتراحات احم احم وين تبا

اسمها بعد يتيمة زايد  هذي البنت مطرشتنها دانة دبي

وتهددني تعرفوون شووتقول اوني صرقت الصور واذا ما شليتهن بتفضحني في المنتدى مالها كانت تبي اي شيء عليه ماشيء شغله غير الانتقام 

لاني ما ساعدتها من قبل  قلتلها والله ما عاشت الي تهدد الرجال عنبوها سنه 

حاولت اشرحلها الاسلوب بس هيه راكبه راسها لازم تضارب قلتلها كيفج

والله العظيم هذا النت تشوفون اشكال وألوان  وخاصه من البنات يوم يسون مواقع  حشى لله واذا ما تعطيهن سالفه

هيه على فكره كل بنت عندها موقع تراه ببلاش قولي كيف  أكيد الشباب لما تقول البنت ابي يقولولها  لبيه ههههه اكيد لانها بنت  انا اقولهم بساعدكم  يقولولي باني مغرور شوو هذا خادم عندهم

23-1-2006الاثنين   

التاريخ واليوم

رياضه الغريــــب

أهلين وسهلين  تعرفووون الواحد لازم يسوي رياضه علشان يكون رشيق ويكون رياضي المهم انا دايما اروح النادي اتمرن رياضه  بس قولو الساعه كم اروح الساعه 12 بالليل  لان الجم يفتح اربع وعشرين ساعه عندنا المهم كنت يالس على الكمبيوتر وقمت قلت احسلي اروح اتمرن من يلسه الكمبيوتر تلبست بسرعه وانا طالع لبست الجواتي  قوولوو شوو نوع الجواتي  مب جواتي الرياضه جواتي الجامعه وأنا على ويهي ناسي ورحت تمرنت  واشوف نفسي خفيف مب مثل قبل  ولا كنت قبل اركض 15 دقيقه  هذي المره ركضت 20 دقيقه اقول شوو السالفه  اشوف وحده تشوف عليه وتبتسم ههههه تعرفوون الواحد يتفجج لما وحده تبتسمله استويت رمبوو في النادي  المهم وانا كذا متحمس اشوف على الجواتي قلت ول  ول  الجواتي اللغط  اقول ليش البنت تبتسم وانا مصدق عمري  ومسكين انا افتشلت وطلعت من النادي  المهم شوفو صور الجواتي الرياضه والجواتي العاديه الي لبستهن

21-1-2006الاحد   

التاريخ واليوم

الجامعه فتحت ابوابها + الاستايل الجديد

تدرون باني فرحان بان الجامعه سوف تبدأ باجر مب مثل باقي السنوات ما احب الجامعه تبدأ  تعرفوو ليش لان لو بدأت الجامعه بسرعه بتخلص بسرعه وهذا معناته باني برد الامارات بسرعه صح  باجر بسير الجامعه انا ما خذ مادتين  واقول هل اخذ ماده ثالثه ولا لاء مممممممم ما ادري والله شكلي ما باخذ بس بيكون دوامي راحه ماشيء شغل ابدا غير الكمبيوتر والالعب رياضه اسوري رجيم قبل ما ارد البلاد ما ادري احس عمري متين هههههههه

اليوم خلصت الاستايل اليديد للمنتدى تعبت وانا اصمم بهذا الاستايل حشى ما رضى يضبط بالبدايه ادري اذا ما عجبكم الاستايل ترى الناس اذواق وذوقي يخلتف عن ذوقكم هههههههههه قويه صح

http://www.algreeb.com/vb/index.php?styleid=18

18-1-2006االخميس  

التاريخ واليوم

·$3 • •• •°°•·$4·$4 •• •°°• ··0 says:

hi can i ask u a question

·$3 • •• •°°•·$4·$4 •• •°°• ··0 says:
i wanna ask you a question in the adobe photoshop if u dnt mind
الغريـــــــــب

ask me
·$3 • •• •°°•·$4·$4 •• •°°• ··0 says:
how can i change the color of the pic

الغريـــــــــب

تبيني درس بالماسنجر او كيف ؟
·$3 • •• •°°•·$4·$4 •• •°°• ··0 says:
yah if you dnt mind

الغريـــــــــب

ليش ما تدخلين المنتدى وتكتبين هناك وبنساعدج لان ما اقدر اسوي الدرس على طول الان
·$3 • •• •°°•·$4·$4 •• •°°• ··0 says:
ana maba drs bs 36ni kaif lstep elly agdar al3ab eb2alwan elpic mthlan etha pic flnhar abaha etkoon felail n viceversa
·$3 • •• •°°•·$4·$4 •• •°°• ··0 says:
etha matgdar et3lamni gool 3ady

الغريـــــــــب

اسف ما اعرف ادرس بالماسنجر
·$3 • •• •°°•·$4·$4 •• •°°• ··0 says:
yzak allah 5air
·$3 • •• •°°•·$4·$4 •• •°°• ··0 says:
3laik elrab 7af'6
·$3 • •• •°°•·$4·$4 •• •°°• ··0 says:

elsmoo7a mnk elsharhah hob 3laik 3la elly y6lb mnk elmosa3dah

عندي سأل هل الفوتوشوب تقدرون تدرسونه بالماسنجر ؟؟ وثانيا عملي للدروس تطوع من للجميع وفي ملايين الدروس بالنت وخاصه بالفوتوشوب  وأي احد يعمل دروس يتضايق لما يشوف ناس يدخلون عليه كذا ويطلبون كانه خادم عندهم  صح نحن نشوف الزوار يتعلموم ويستفيدون من دروسنا بس مب معناته باننا نسوي كل شيء يبونه ولا ندرسهم بالماسنجر  انا مستعد اساعد اي احد بس يكون بطريقه سهله الي انا مب بالمانسجر كان عندي موضوع اليوم ابي اتكلم عنه بس جاني هذا الشيء وحبيت اقوله لانه في خاطري

17-1-2006الأربعاء  

التاريخ واليوم

حلاقه الشعر + رحلتي للغداء

الله يسلمكم ويطول بعماركم انا أخيرا تحلقك وقصيت الكشه كامله على الصفر ولله الحمد ارتحت ههههه لاني ما استخدم صابون وايد لشعري وما استغرق وقت كثير لتنشيف شعري هههههههههه  قلت بحلق علشان يطلع شعري قبل ما ارجع البلاد ويكون شعري فرش ونخلي شعر امريكا لهم هههههههههههه هذا كله البارحه تراه مب اليوم بس نسيت اكتب البارحه

واليوم ايضا طلعنا ويا الشباب رحله غداء اخخخخخخخخخخ لو ذقتوو الاكل الايراني في المنطقه التي تبعد ساعتين من عندنا ادري بتستغربووون الغريب يطقع ساعتين سواقه علشان غداء هيه نعم من الفقر في منطقتنا ماشيء مطاعم عربيه واستانسنا ويا الشباب ورحت بالمره الكليه الي درس فيها الصيف وخذت ترانسكربت  حق الجامعه الي فيها الحينه انا لاني ماخذ كلاس بالصيف ههههههه فرحان باني بتخرج على الصيف اول ما اخلص على طول البلاد ما بنتظر لحظه خلاص طفح الكيل عندي مليت من امريكا واهلها ابي اشوف الشعر الاسود والمكبوس  والبرياني مممممم وشو بعد والناس الطيبه واهلي طبعا 

16-1-2006الثلاثاء  

التاريخ واليوم

غريبه اليوم دخلت موقع الإمارات للإعلام واشتركت معاهم علشان اسمع اخبار البلاد خلال اذاعة ابوظبي وكان هناك برنامج والله ما اعرف شوو اسمه بس اول ما فتحت كان يتكلم عن مسابقات الميدان والتراث وت